تیݙی کوڑی محبت دیاں نشانیاں ڳال ڳئے ہاسے
فلانیاں گھن ڳیا ہانویں فلانیاں ڳال ڳئے ہاسے
چٹے سر وچ نہ ہݨ ساکوں ملاقاتیں دے کانڈھے ݙے
تیݙے در تے اساں اپݨیاں جوانیاں ڳال ڳئے ہاسے
نتاں اڄ حفظ کر گھندے اڄاں الحمد نہیں آندا
اوہے فجریں اوہے شاماں سہانیاں ڳال ڳئے ہاسے
اساں پڳلے ، اساں بھولے ، اساں ٻاتے ، اساں چچرے
تہوں اڑ اڑ کے پڑھدے ہیں روانیاں ڳال ڳئے ہاسے
فضل اوں دور وچ خاصے ٹکے آنے دی قیمت ہئی
اٹھانیاں ڳال ڳئے ہاسے چوانیاں ڳال ڳئے ہاسے
سئیں فضل سوکڑی
تیݙی کوڑی محبت دیاں نشانیاں ڳال ڳئے ہاسے || Saraiki shari فضل سوکڑی
Rj rakha Baloch
Whispering winds of lorem ipsum drift across silent skies. Dolor sit amet, hearts awake beneath the fading light. Consectetur dreams move through forgotten nights, adipiscing elit — where words turn into quiet sighs.
Leave a Reply