سجݨ تھی ڳئے مدت کولو کوراڑا کئیں پڑھیا ایں
نیوی ݙسیا ولݨ دا کوئی ݙیہاڑا کئیں پڑھیا ایں
نہ خود تشریف گھن آوؤ نہ کوئی ولدا ولا آیا
جئے کوئی ولدا ولا آیا تاں ولدے وچ ویلا آیا
ساکوں تیݙی ضرورت ہئی توں نہ آئیو تاں کیا آیا
کہیاں پئے ڳئی غریبیں نال ساڑا کئیں پڑھیا ایں
سجݨ تھی ڳئے مدت کولو کوراڑا کئیں پڑھیا ایں
محبت دیاں سکیاں قلماں ولا پھپڑن نیویں آیا
میں مسجد وچ منم منتاں علم پکڑم نیویں نئی
میں مسجد دی مہاڑی تے متھے رگڑم نیویں آیا
فقط ساݙے اجاڑن دا پہاڑا کئیں پڑھیا ایں
عزابیں وات ݙے گیا ہیں یا دل وچ چور چھاواں ہے
جوانی دے شباب اچ ایں ذہن تیݙا ٻلاواں ہے
تیݙی چپ ہے غزب وانگوں تیݙی نفرت نینواں ہے
کیتی نفرت وچ گھر دا اجاڑا کئیں پڑھیا ایں
تتے تاں چہہ چھوڑیندے ہن ودی تت ٻت کرے تتڑی
میکوں مونجھیں دے مݨ ݙے کے ترس آئیوں نہ ہک رتڑی
کوئی ہکڑی سݙیندا ہا کوئی آکھے میکوں ٻتڑی
نہ کر ٻتڑی کوں بے خوندا ٻتاڑا کئیں پڑھیا ایں
نہ ہاں پتھر دا ہے میݙا نہ گردے میݙے سل دے
توں مل ویندہ میکوں گھاہے بہ ڳھاہے لوگ نہ کھلدے
رقیںیں کو چڑھاوݨ دے ولا موقعے تاں نہ ملدے
بھرے شہر اچ کیتی عشرت اگاڑا کئیں پڑھیا ایں
سجݨ تھی ڳئے مدت کولو کوراڑا کئیں پڑھیا ایں
عشرت لغاری