کیویں کہیں دے آکھے تیڈی سک وساراں
کلام: بشیر غمخوار
کیویں کہیں دے آکھے تیڈی سک وساراں
ثوابیں دے عیوض گناہ کون گھندے
قضا کہیں کوں جبران جتھاں ونج ولھیٹے
رضا نال رولیں دے راہ کون گھندے
عجوبہ ہے غمخوار اوقات ساڈی
ناں خیرات اپنڑی ناں کاسے پرائے ہن
اچانک جو بھالیم بھیانک بدن دو
ڈٹھم دل ہے اپنڑاں دلاسے پرائے ہن
اساں اپنڑے پاسے دے مخلص جو ناسے
سدھر گین جہڑے او پاسے پرائے ہن
بحشتی مکانے کنوں کون اٹھدے
جہنم دے نیڑے پناہ کون گھندے
مقدر دی کہیں مسکراہٹ دے سانویں
سیانڑاں ناں تھی سرد آہ کون گھندے
کاپی ہو گئی ✓
Leave a Reply