آپ کوں کل ہِک خواب ءچ ڈِٹھم
اپنڑے اُچے تھلے دی ہک چُنڈ تے کھڑ کے
شہر دے کُتے کَٹھے کر کے
بوٹیاں میں ورتائندا کھڑاں
کتا ئن ہڈیاں پائیندا کھڑاں
ہر کتا ہک ہڈی کھاندے
پوچھل مار کے میڈے پیراں دے وچ ڈھاندے
جئیں ایلے چھبا خالی تھیندے
کتے میکوں بھوکنڑ لگدن
میڈے کپڑے پاڑ کے میتھوں بوٹیاں منگدن
اج تعبیر ڈساونڑ والے بُڈھڑے بابے
میڈی کنڈ کوں تھپکی ڈے کے
کھِل کے آکھے
بچڑا ! کتے کتے ہوندن
نسلاں جانڑنڑ کولوں پہلے
ہڈیاں نہ ورتایاں کرو
یاریاں سوچ کے لائیاں کرو
مومن مولائی صاحب
❤🌹❤🌹
Leave a Reply