اندھارے دے بھنور وچ آ کے سارے باک بھر ڈیندن
اوندا آسمان رو ڈیندے ستارے باک بھر ڈیندن
دعا کر پیش پووے نہ تیکوں کوئی غم وچھوڑے دا
جے گھر دی یاد آوے تاں آوارے باک بھر ڈیندن
حیاتی بے سکونی وچ مسلسل پئ گُزردی ہے
پتا نئیں نیندر کینتے گئ جگارے باک بھر ڈیندن
اتھاں ڈاڈھے دا ڈن چلدے اے دنیا ہے میڈا جانی
اتھاں گُنگدام لوکیں دے اشارے باک بھر ڈیندن
اساں موسم خزاواں دے ساڈے نِت نین مونجھے ہن
ساڈا منظر جے ڈیکھن تاں نظارے باک بھر ڈیندن
آساں ہک اینجھے موڑ اچ ہیں جتھاں آ کے میڈا قاصر
منافعے باک بھر ڈیندن خسارے باک بھر ڈیندن
قاصر گاڈی