اُوندی دنیا دیوانی ھِ اُوکوں احساس نئیں تھیندا
ساڈی اتنا کہانی ھِ اُوکوں احساس نئیں تھیندا
اُو واقعی خوبصورت ھِ مگر مٹی دی مورت ھِ
اُوندا کافر روحانی ھِ اُوکوں احساس نئیں تھیندا
اُوکوں چُونڈھی وی نیں پیندیاں میڈیاں ہنجوں ، میڈیاں میڑھاں
اینجھی کوئی بدگمانی ھِ اُوکوں احساس نئیں تھیندا
جوانی وچ کِتھاں کوئی سوچ ، کوئی احساس ، کوئی وپرا
اُوندی چڑھدی جوانی ھِ اُوکوں احساس نئیں تھیندا
اُوکوں احساس تھیندا تاں میڈے ڈُکھ ءِچ ڈُکھا تھیندا
خُدا دی مہربانی ھِ اُوکوں احساس نئیں تھیندا
اُوں آصف بے مُحابے دے مُحابے ساری رونق ھِ
بنڑی رُت رُت سہانی ھِ اُوکوں احساس نئیں تھیندا
۔۔۔
لکھت✍🏻:- جاوید آصف سئیں 🥀