سرائیکی شعر
میڈے خابیں دی شادی ہئی نظارا ہا نوہیں آیا
وڈے سوہنڑے میراثی ہن تماشا ہا نوہیں آیا
میں پاگل تاں نمہی تھی گئی نچاں لوکیں دی آدھی وچ
ہکا تیڈی شرارت ہئی تقاضا ہا نوہیں آیا
نوھی آ کے ڈٹھا جانی ہنجوں دے پاک جوڑے کوں
چٹے چولے تے ناپاں ہن سلارا ہا نوہیں آیا
اوہا شادی اوہے کانڈھے اوہے ٹالہاں اوہے چہرے
نویں شیشے نویاں بیڑیاں کنارا ہا نوہیں آیا
ڈوہائیں دے خواب سانجھے ہن ڈوہائیں دی مونجھ سانجھی ہئی
میڈا طارق بیا کوئی سہارا ہا نوہیں آیا
Leave a Reply