گُھب گُھٻ مَٹّی اے
گُھٻ گُھٻ مَٹّی اے
چھا تیڈی کھٹّی اے
مکھݨ تیڈا پیلا اے
سونے دا نہیلا اے
گُھٻ گُھٻ مَٹّی اے
گُھٻ گُھٻ مَٹّی اے
اَݨ سُونہیں سُہانوݨی
اَݨ ڈٹھی ہَنڈانوݨی
جاڳ جاڳ لانوݨی
کہیں کوں کیا ڈسانوݨی
رات کینویں کٹّی اے
گُھب گُھٻ مَٹّی اے
گُھٻ گُھٻ مَٹّی اے
کوئی کتھاں وے سانولا
سر دی چھاں وے سانولا
ناں وے ناں وے سانولا
اسّاں تاں وے سانولا
تانگھ تیڈی سَٹّی اے
گُھب گُھب مَٹّی اے
گُھٻ گُھٻ مَٹّی اے
ہووݨی دا حیلا اے
نہ ہووݨی وَسیلا اے
سونے دا نہیلا اے
مکھݨ تیڈا پیلا اے
چھا تیڈی کھٹّی اے
گُھٻ گُھٻ مَٹّی اے
گُھٻ گُھٻ مَٹّی اے
گُھب گُھٻ مَٹّی اے ||کلام: عزیز شاہد
Rj rakha Baloch
Whispering winds of lorem ipsum drift across silent skies. Dolor sit amet, hearts awake beneath the fading light. Consectetur dreams move through forgotten nights, adipiscing elit — where words turn into quiet sighs.
Leave a Reply