تیڈے ہتھ دی حنا ہونواں ہا 🌹
صوفی نجیب اللہ نازش • پنجابی / سرائیکی شاعری
تیڈے ہتھ دی حنا ہونواں ہا
تیڈی اکھ دا کجل ہونواں ہا
جیکوں توں گنگناویں ہا سئیں
میں ایہو جیں غزل ہونواں ہا
زلف تیڈی توں قربان میں
تیڈے چہرے تے لُرکے سدا
کائنی اوقات پر آہدے دل
زلف تیڈی دا ول ہونواں ہا
میں سیانڑا جو ہم دنیا نے
کر گھدا قید رسماں اندر
قید وچ میکوں احساس تھئے
ٹھیک ہا بے عقل ہونواں ہا
شرط دیدار سر ہووے ہا
کراں ہا التجا رب اگوں
منگ تے لاکھاں دفعہ زندگی
ہر دفعہ میں قتل ہونواں ہا
میڈے سر تے تونڑے تاج ہے
دل دی میڈی ہے خواہش ایہا
ڈیواں بوسے ہا تلیاں کوں میں
جتی تیڈی دا تل ہونواں ہا
تیڈا ہونواں ہا شیشہ سجنڑ
تیڈے رنگ وچ ونجاں ڈھل ہا میں
میکوں ڈیکھیں ہا نازش جڈاں
میں وی تیڈی شکل ہوواں ہا
✅ Copied Successfully!
Leave a Reply