غــــزل
کیندا کینجھے ضمیر پرکھیا گئے
وقت ائے تاں آخیر پرکھیا گئے
ہک اُبھارے تے پاݨی پاݨی تھئے
کتنا کھرا ہا کھیر پرکھیا گئے
ونج چڑنڈ آلیاں گالہیں آہدا ہا
ہا امن دا سفیر پرکھیا گئے
ڈے کے لشکر دے راز دُشمن کوں
ساڈے لشکر دا میر پرکھیا گئے
خود دوائیں تے تعویز ساڈے لو
کتنا کامل ہے پِیر پرکھیا گئے
خیر دشمن تاں اوویں دشمن ہا
تیڈے طعنے دا تیر پرکھیا گئے
اکھ دے اندرو ہا راز ہا ساحل
اکھ توں نکھتے تاں نیر پرکھیا گئے
سئیں ســــاحـل سـندیـلہ