عشق شوق ہا تیڈا ، پیار فن ہا تیڈا
حُسن جال ہا تیڈا ، تُو شکاری ہاویں
کوڑ قول ہا تیڈا ، چُپ ادا ہئی تیڈی
اے مدار ہا تیڈا ، تُو مداری ہاویں
اُو وی یار ہا تیڈا ، میں وی یار ہم تیڈا
اے وپار ہا تیڈا ، تُو وپاری ہاویں
میکوں گھاٹا جو آئے ، تئیں منافع کمائے
کاروبار ہا تیڈا ، کاروباری ہاویں
خواب خواب ہوندے ہِن ، اے خزانے سجنڑ
جئیں ڈِکھائے ہِن تیکوں ، تُو اُوندا تھی گئیں
کُوڑے قصّے وفائیں دے ہر موڑ تے
جئیں سُنڑائے ہِن تیکوں ، تُو اُوندا تھی گئیں
ہائے اُو وعدے ساڈے ، اُو ارادے ساڈے
اُو وفائیں ساڈیاں ، ہائے اجائیاں گیاں
ہائے اُو روونڑ ساڈا ، چکی جھوونڑ ساڈا
ہائے اُو دھائیں ساڈیاں ، ہائے اجائیاں گیاں
ہائے اُو بندگی ساڈی ، اُو نمازاں ساڈیاں
اُو دُعائیں ساڈیاں ، ہائے اجائیاں گیاں
ہائے اُو مِنتاں ساڈیاں ، اُو مجالاں ساڈیاں
اُو ادائیں ساڈیاں ، ہائے اجائیاں گیاں
نیندر ادھوری ساڈی ، خواب ادھورے ساڈے
ہائے تمنا وی نئیں تھئی کوئی پوری ساڈی
میں ادھورا ہمی ، تُو ادھوارا ہیویں
تہوں کہانی وی ھِ چن ادھوری ساڈی #SaraikiPoetry #SadShayari #IshqShoqHaTeeda #SaraikiKalam #PoetryLyrics