نظم 🥀

جڈاں نشے سارے کر آندہ
ول رات کوں چرکیں گھر آندہ

میڈی امڑی جاگدی راہندی اے
میڈے کیتے کھیر گھن آندی اے

بہوں پیار دے نال الیندی ہے
دل نال میکوں سمجھیندی اے

میڈا بچڑا کتھاں رہ ویندیں
حالات خراب ہن بہوں سارے

جڈاں روز دے اے سجھ لہہ ویندے
تیڈا چنتا میکوں رہ ویندے

گھر ہوونڑ ودی نعمت ہے
بہہ پیوں دے نال الایا کر
ڈکھ سکھ وی آن ونڈایا کر

تیڈے روز بھرا وی پچھدے ہن
خوش تھی کے ہاں نال لایا کر

میڈا عاجز کملا بھولا ہیں
توں یار سمجھدا ہیں جیکوں
غمخار سمجھدا ہیں تیکوں

تیکوں اے جتنا سمجیھندے ہن
پیوں ماں دے نال ونجیندا نئی
دل کہیں دا ڈیکھ ڈکھیندا نئی

توں بے شک یاریاں شاریاں رکھ
پر اج دیاں یاریاں ٹھیک نی

میڈی گال ہمیشہ یاد رکھی
اے سارے راز ڈسا ڈیندن
آجکل دے یار مرا ڈیندن
اجکل دے یار مرا ڈیندن

لطیف عاجز ✍🏻
@highlight