سوہنڑاں:
تیڈے دیس اچ غضب دے اندھارے ڈٹھن
اساں ڈینہ نئیں ڈٹھا ڈینہ دے تارے ڈٹھن
اے پتا نئیں جو آسمان پھٹسی کڈاں
میں تاں ہر جاہ فنا دے اشارے ڈٹھن
کوک پہنچی ہے کہیں دی فلک تئیں جڈاں
لوکیں وسدے فلک تو انگارے ڈٹھن
توں آہدیں میں خدا کوں کتھائیں نئیں ڈٹھا
میں تاں ہر ہک قدم تیں نظارے ڈٹھن
عشق والیں دی وستی وی گئے ہیں آساں
عشق والیں دے ہاں بارے بارے ڈٹھن
ناں سنڑاؤ قیس کملے دا قصہ ساکوں
اساں کملیں کوئی تھوڑے خصارے ڈٹھن
تار دریا دیاں یاریاں وی ڈٹھن اساں
پہلی چھولی تیں بڈدے کنارے ڈٹھن
زندگی ہنڑں تماشا ڈکھا موت دا
بئے تماشے تاں میں ڈھیر سارے ڈٹھن۔
سرائیکی وسیب دی شاعری ،✍️💝🌹🧡❤️❣️
Leave a Reply