محبت جے قید ہے

محبت جے قید ہے تاں بس قید بھوڳو

ایں کیس اچ رِہائی دیاں اَپیلاں نئیں ہوندیاں

رِہائ وچ جٌدائی اے، جدائی وچ مِلاپ اے

سزا بے خَطائی دیاں اپیلاں نئیں ہوندیاں

نہ اللہ دی رحمت کوں رَستہ وِسر گئے

نا خلقت دا خالق خدا ٻُڈھا تھی گئے

توں لَا تَقٗنَطٌو سنڑ کے لَا تَقٗنَطٌو تَھئیں

تاں من تیڋا اپنڑا حیا ٻُڈھا تھی گئے

میں یوسف ہاں کھوہ وچ جو کہیں نئیں بٌھکایا

تاں پک اے میڋا کوئ بھرا ٻُڈھا تھی گئے

میں ہینڑاں ہاں ہر ظلم سہہ سہہ جوان آں

او ڋاڈھا ہا کر کر جفا ٻُڈھا تھی گئے

ہجر دے مریضیں دی ہمت وی ڈیکھو

بیماریاں جوان ہن دوا ٻُڈھا تھی گئے

او آہدا ہا اکثر، نہ جِیندییں نِکھڑسوں

جوانی دا وعدہ جو ہا ٻُڈھا تھی گئے

دغا باز لوگو ستاؤ ہتھ نا روکو

او ہتھ کپ کے بھاہ لؤ جیرھا ٻُڈھا تھی گئے

خبردار! خوابیں دی دنیا دے وَسدے

ایں روزی ہَوائی دیاں اَپیلاں نئیں ہوندیاں

محبت جے قید ہے تاں بس قید بھوڳو

ایں کیس اچ رہائی دیاں اَپیلاں نئیں ہوندیاں