ایویں نچنڑ کوں نہ نیچ آکھو
کہیں کیتے لازمی ہے نچڑاں
کوئی نچدئے کہیں دے جاگیں وچ
کوئی جھمر وچ کھڑ اینج نچدئے
جیویں ہوندا لازمی ہے نچڑاں
میں اے نی آدھا زر کیتے
کوئی عورت ونج بازار نچے
تھی خود توں ڈھیر بیکار نچے
پر اے وی ہونڑیں آکھ گیاں
کہیں کیتے لازمی ہے نچڑاں
جیویں رومی کہیں چوراھی وچ
جیویں باھو اپنڑی واھی وچ
جیویں مصر دی شاہ ہک شاھی وچ
جیویں بھلے شاہ کھڑ نچدا ہا
جیویں رانجھا دھڈ بنڑ نچدا ہا
تبریز جیویں کہیں رقص دے وچ
ماہیوال ماہی دے عکس دے وچ
کیا ملدا ہا دھمال دے وچ
رہیا نچدا عشق پینڈال دے وچ
اے گالھیں اینج نچویندیاں پئین
ہے قصہ سب گڑدھال دے وچ
تہوں آکھیم لازمی ہے نچڑاں
تہوں آکھیم لازمی ہے نچڑاں
نہ کہیں کوں شوق نچیدا ہے
نہ کہیں دی آکھ تے کوئی نچدئے
نہ جرم ہے کلھی اکھیاں دا
ڈے ہنجھوں ڈھیر نچاون پیاں
کہیں کوں بکھ نچویندی اے سڑکیں تے
کہیں کوں سکھ نچویندین میلے وچ
بس مکدی فرحت گال مکاوں
کہیں کوں کھل نچواوے نچ پوندئے
کہیں کوں دل نچواوے نچ پوندئے