مومن مولائی 🌿
یاریاں سوچ کہ لائیاں کرو
آپ کوں کل ہک خواب اِچ ڈِٹھم
اپنڑے اُچے تھلے دی ہک چُنڈ تے کھڑ کے
شہر دے کُتے کَٹھے کر کے
بوٹیاں میں ورتائندا کھڑاں
کتاں نو ہڈیاں پائیندا کھڑاں
ہر کتا ہک ہڈی کھاندے
پوچھڑ مار کے میڈے پیراں دے وچ ڈھاندے
جئیں ویلے چھبا خالی تھیندے
کتے میکوں بھوکنڑ لگدن
میڈے کپڑے پاڑ کے میتھوں بوٹیاں منگدن
اج تعبیر ڈساونڑ والے
بڈھڑے بابے میڈی کنڈ کوں تھپکی ڈے کے
کھل کے آکھیس:
بچڑا! کتے کتے ہوندن
نسلاں جانڑنڑ کولوں پہلے
ہڈیاں نہ ورتایاں کرو
یاریاں سوچ کے لائیاں کرو
✅ Copied!
Leave a Reply