دلبر آ – شاعری
دلبر آ۔۔۔ تیکوں سبھ کجھ منیندے ہیسے۔
دلبر آ۔۔۔ ساڈے کیتے توں سبھ کجھ ہیویں۔
دلبر آ۔۔۔ دل دیاں گالہیں سمجھنڑیاں پوندین۔
دلبر آ۔۔۔ دل دی مرضی تیں کوئی زور نئیں۔
دلبر آ۔۔۔ ساڈے کیتے توں ہکو ہیویں۔
دلبر آ۔۔۔ ہک دا تھیونڑ وڈا اوکھ ہے۔
دلبر آ۔۔۔ ہجر اوکھی بلا ہوندی ہے۔
دلبر آ۔۔۔ ہاں دے نکلنڑ کوں ہجر آہدے ہن۔
دلبر آ۔۔۔ مونجھ مر پئی دا پتہ ہیوی۔
دلبر آ۔۔۔ مونجھ بندے کوں کھا ویندی ہے۔
دلبر آ۔۔۔ یار یاریں دا مانڑ ہوندے ہن۔
دلبر آ۔۔۔ یار یاریں تیں واریے ویندن۔
دلبر آ۔۔۔ ساڈیاں شکلاں او نئیں رہ گیاں۔
دلبر آ۔۔۔ اساں اندرو توں مکدے ویندوں۔
دلبر آ۔۔۔ زندہ لاشیں دا سنڑدا ہوسیں۔
دلبر آ۔۔۔ زندہ لاشاں ہیسے ڈیکھ ونج۔
دلبر آ۔۔۔ کہیں توں نکھڑیے ہوئے رلدن کیویں؟
دلبر آ۔۔۔ ساکوں رلدا ہویا ڈیکھ ونج۔
✍️ حاتم بلوچ
Leave a Reply