کہیں ویلے ایں مل میکوں، کہیں ویلے ایں مل میکوں
چپ چپ وچ گالھیں ٹر پوون
ساڈے پیریں سو سو سر ہوون
ہک بے دی گالھ کروں جے کر
جِب سڑ پووے تے لب بھر پوون
میڈے ہاں وچ بلدی بھاہ کڈھ گھن
میکوں ہتھ لا کے میڈے ساہ کڈھ گھن
کہیں ویلے ایں مل میکوں
کہیں ویلے ایں مل میکوں جیویں جنگل دے وچ راہ ملدن
جیویں کہیں دے ساہ نال ساہ ملدن
جیویں ادھ وچ جنگاں چھوڑ کرائیں، جنگجو زالی کوا ملدن
جیویں ان کھوٹ تار سمندراں کوں، پہلی واری دریا ملدن
جیویں پکھی واس کوں گھر ملدے، جیویں ورثے دے وچ ڈر ملدے
کہیں کال کورے دے موسم وچ، جیویں پانی دے نال لب ملدن
جیویں نہ منگن تے سب ملدے
جیویں کوہِ ساراں کوں سرمہ کر، موسیٰ کوں طور تے رب ملدے
کہیں ویلے ایں مل میکوں
جیویں پکھی واس کوں گھر ملدے، جیویں ورثے دے وچ ڈر ملدے
جیویں کوہِ ساراں کوں سرمہ کر، موسیٰ کوں طور تے رب ملدے
جیویں کہیں جاہ نکھڑے یار ساڈے، کہیں دھرتی ساکوں مل پوندن
لٹ گھن سب کچھ میں کیندا جیویں، راہ وچ ڈاکو مل پوندن
کہیں ویلے ایں مل میکوں
کہیں ویلے ایں مل میکوں، کہیں راہ رُلدے ہوئے پاندھی کوں
جیویں سِدھا رستہ مل پوندے
جیویں پیرو راݨے پاگل کوں، راہ وچ گلدستہ مل پوندے
جیویں لُڑھدے ہوئے دو ہتھ ملدن، جیویں ماں کوں پتر دے خط ملدن
کہیں راہ رُلدے ہوئے پاندھی کوں جیویں سِدھا رستہ مل پوندے
جیویں پیرو راݨے پاگل کوں، راہ وچ گلدستہ مل پوندے
جیویں لُڑھدے ہوئے دو ہتھ ملدن، جیویں ماں کوں پتر دے خط ملدن
جیویں گلیاں دے وچ کھیڈدیاں، کہیں بال کوں سکہ مل پوندے
جیویں چالہی سال دی تریمت کوں، مطلب دا رشتہ مل پوندے
کہیں دے کنوں والیاں ڈھہہ کے، جیویں گم تھینجن ول مل وینجن
کہیں دے کنوں والیاں ڈھہہ کے، جیویں گم تھینجن ول مل وینجن
جیویں کچے غوستانے دے وچ، مینہہ وچ قبراں رل مل وینجن
کہیں ویلے ایں مل میکوں
کہیں ویلے ایں مل میکوں، کہیں قتل دی آخری پیشی تے
جیویں ملزم نال گواہ ملدے
کہیں قتل دی آخری پیشی تے، جیویں ملزم نال گواہ ملدے
جیویں بن یامین تے چوری دا، الزام لوا کے شاہ ملدے
جیویں کہیں قتل دی آخری پیشی تے، جیویں ملزم نال گواہ ملدے
جیویں بن یامین تے چوری دا، الزام لوا کے شاہ ملدے
جیویں سادہ ذہن وپاری کوں، مرضی دا عید تے مل ملدے
جیویں کہیں دیہاتی چھوہر کوں، زندگی دا پہلا پھل ملدے
جیویں سادہ ذہن وپاری کوں، مرضی دا عید تے مل ملدے
جیویں کہیں دیہاتی چھوہر کوں، زندگی دا پہلا پھل ملدے
جیویں چار دیواڑ دے تسے کوں، ٹھڈھا مشکیزا مل پوندے
جیویں کہیں تاریخ دے طالب کوں، یونان دا ویزا مل پوندے
کہیں ویلے ایں مل میکوں، کہیں ٻئے کوں کال کرن تے بھی
جیویں تیڈا نمبر مل ویندے
کہیں ویلے ایں مل میکوں۔۔۔